• Emakumeen % 70ak miomak ditu umetokian; ugalketa adinean daudenen % 25arentzat miomak sintomatikoak dira.

  • Estefanía Rodríguez doktoreak lehen aldiz irrati-maiztasun bidez miomak tratatzeko teknika berritzailea erabili du Euskal Herrian. Zauri txikiko teknika honen helburua pixkanaka kirurgia bidezko tratamendua ordezkatzea da.

Emakumeen % 70ak ditu miomak, umetokian agertzen diren tumore onberak. Emakume horien %25ak odol galerak, sabeleko mina, pixa egitean alterazioak, pelbisean ondoezak edota haurdun gelditzeko zailtasunak izaten dituzte. Orain arte, kirurgia izan da patologia hau tratatzeko aukera bakarra. Gaur egun, zauri txikiko (ia ez inbasiboa) teknika berri bat existitzen da: irrati-maiztasun bidezko ablazioa. Estefanía Rodriguez doktoreak, Ugalkortasunaren Euskal Institutuko Ginekologoak, lehen aldiz erabili berri du teknika hau Euskadin.

Irrati-maiztasunaren erabileran aitzindari den Victoria Rey Doktorearekin trebakuntza saioak egin ostean, interbentzioa otsailaren 8an burutu zuen Rodríguezek. Jakitera eman dutenez, pazientearen eboluzioa oso ona izan da. Izan ere, teknika honek eskaintzen duen abantaila nagusienetako bat hori da, kirurgia tratamenduetako anestesia eta interbentzioaren arriskuak saihesten dira, eta pazientearen errekuperazioa azkarragoa da. Gerta daitezkeen konplikazioak berotasunak ehunetan eragin dezakeen lesio posibleetara mugatzen dira, edota sukar-erreakzioetara tamaina handiko miomak tratatzen diren kasuetan.

Irrati-maiztasun bidezko ablazioa ebakuntza-gela batean egiten da, eta pazienteari lasaigarri bat ematen zaio. Ospitaleratzea 2-3 ordukoa izan ohi da.Teknika 6 zentimetro baino gutxiagoko miometan aplikatzea gomendatzen da, baina kirurgia bidez iristeko zailak diren lekuetan kokatuta dauden ia mioma guztiak tratatzeko erabil daiteke.

Laguntza bidezko ugalketa, Laguntza bidezko ugalkortasuna, umetokiko miomak

Azken postak